ചോദ്യമാണുത്തരം

എന്റെ മകൻ എഞ്ചിനീയറിംഗിനു പോകാനാഗ്രഹിക്കുന്നു. എനിക്കത് ഇഷ്ടമല്ല. ഞാൻ എന്തു ചെയ്യണം?  

ഷീബ

പ്രിയ ഷീബ,

ഷീബയ്ക്കു എന്തോ ഒന്നു ഇഷ്ടമല്ല, പക്ഷേ അതു ചെയ്യുന്നത് ഷീബയുമല്ല. അതാണിവിടെ യഥാർത്ഥ പ്രശ്നം. ഇനി ഷീബയുടെ മകൻ ഷീബയുടെ ഇഷ്ടപ്രകാരം ചെയ്താലോ? മകൻ ഒരു കാര്യം ചെയ്യുന്നു പക്ഷേ അതവനു ഇഷ്ടമല്ല. മറ്റൊരാൾ ചെയ്യുന്നത് ഇഷ്ടമില്ലാതാകുന്നതോ സ്വയം ചെയ്യുന്നത് ഇഷ്ടമില്ലാതകുന്നതോ ഏതാണു വലിയ ദുരന്തം? അതുകൊണ്ട് ഒന്നുകിൽ ഷീബ മകനെ അവൻ ഇഷ്ടപ്പെടുന്ന മറ്റേതെങ്കിലും കോഴ്സിനു വിടാം അല്ലെങ്കിൽ മകൻ എഞ്ചിനീയറാകുന്നത് ഇഷ്ടപ്പെട്ടു നോക്കാം. എങ്കിലും ഷീബയോ മകനോ ഇഷ്ടാനിഷ്ടങ്ങൾ തീർത്തും ഉപേക്ഷിക്കണമെന്നു പറയാനാകില്ല, പരസ്പരം തുറന്ന് സംസാരിച്ച് ഒരു തീരുമാനത്തിൽ എത്തുന്നതാണു കരണീയം. കാരണം ത്യാഗം ചിലരെ നിരാശയിലെത്തിച്ചേക്കാം.

ജീവബിന്ദു