ഇന്നത്തെ ചിത്രം

ഒരു പൾസർ 150 എഞ്ചിൻ മനുഷ്യമനസ്സുപോലെ സങ്കീർണ്ണമല്ല

ഫോട്ടോ : ശരത് കെ. ശശി

ഇന്നത്തെ ചിത്രം

മതിലുകൾക്ക് അപ്പുറത്തു നിന്നും സ്വാതന്ത്ര്യത്തിലേയ്ക്ക് എത്തി നോക്കുന്ന ആട്

ഫോട്ടോ : കെ.ജി.ശശി

ഇന്നത്തെ ചിത്രം

ജീവന്റെ ലാസ്യനൃത്തവുമായി ഒരു ഇലക്കൂമ്പ് പിറവിയെടുക്കുന്നു

ഫോട്ടോ : ശരത് കെ. ശശി

ഇന്നത്തെ ചിത്രം

പ്രഭാതത്തിൽ പ്രതീക്ഷയിലേയ്ക്കു തലനീട്ടിയിരിയ്ക്കുന്ന ഏതോ ഒരു കാട്ടു പൂ.

ഫോട്ടോ : ശശി കടുക്കാപ്പിള്ളി

ഇന്നത്തെ ചിത്രം

ആമ്പൽ പൂവേ ..................... നീയറിഞ്ഞോ?

ചിത്രം : ശശി കടുക്കാപ്പിള്ളി

ഇന്നത്തെ ചിത്രം

നാടെങ്ങും പൂമരുത് പൂത്തിരിയ്ക്കുന്നു

ഫോട്ടോ : കെ.ജി.ശശി

ഇന്നത്തെ ചിത്രം

ഏഴിലം പാല പൂത്തു പൂമണമൊഴുകി വന്നു

ഫോട്ടോ : കെ.ജി.ശശി

ഇന്നത്തെ ചിത്രം

നടുറോഡിലെ ആൽമരത്തിൽ ബോഗൻ വില്ല കയറ്റിവിട്ട മനുഷ്യൻ ആരായാലും ഇതു കണ്ടു സന്തോഷിക്കുന്നവർ ഒരു നിമിഷം അയാളെ സ്മരിച്ചേക്കാം

ആലിൽ പൂത്ത ബോഗൻ വില്ല

ഇന്നത്തെ ചിത്രം

ഇടമഴകൾ ഇല്ലാത്ത കൊടും വേനലിൽ ദാഹജലം പോലും കാണാനാകാഞ്ഞ നിസ്സഹായയായ പക്ഷിക്കുഞ്ഞ് കാണാനായ ഇത്തിരി വെള്ളത്തിൽ വീണു കിടക്കുന്നു. എന്നു തീരും ഈ കൊടും വരൾചയുടെ കാലം?

ഇന്നത്തെ ചിത്രം

ചാലക്കുടി സൌത്ത് ജംഗ്ഷനിൽ ടാക്സിക്കാർ അനധികൃതമായി ടാക്സി സ്റ്റാന്റ് നിർമ്മിച്ചിരിക്കുന്നു. സമീപപ്രദേശത്തെങ്ങാനും വല്ല ബൈക്കോ മറ്റു ചെറു വാഹനങ്ങളോ പാർക്കു ചെയ്യാൻ വന്നാൽ അവരെ ആട്ടിപ്പായിക്കുകയാണിവർ. ആരാണ് അവർക്ക് ഈ അധികാരം കൊടുത്തത്? നാഷണൽ ഹൈവേ സ്ഥലത്ത് ഇപ്രകാരം കുത്തകാവകാശം കൊടുക്കാൻ അഥവാ ആർക്കെങ്കിലും അധികാരമുണ്ടോ?

ഫോട്ടോ : പീലി മനോജ്

ഇന്നത്തെ ചിത്രം

മേലൂർ പള്ളിനട ജംഗ്ഷനിൽ പുതുതായി ടാർ ചെയ്ത റോഡ് ഒരു മാസം തികയും മുമ്പു തന്നെ കുഴിഞ്ഞു പോയി ചളിമണ്ണു പുറത്തു വന്നിരിക്കുന്നു.

 

ചിത്രംഷിജു മേലൂർ

ഇന്നത്തെ ചിത്രം

അടിച്ചിലി മധുരമറ്റത്ത് നാഷണൽ ഹൈവേ വാങ്ങിയ സ്ഥലത്ത് അനധികൃതമായി നിയന്ത്രിതമായി പാറ പൊട്ടിച്ചിട്ടിരിക്കുന്നു. ആ സ്ഥലത്തിനടുത്തായി അനേകം വീടുകളുമുണ്ട്.

ഇന്നത്തെ ചിത്രം

പത്തുവർഷമായി നടപ്പാക്കാനാകതെയിരുന്ന പുഷ്പഗിരി കട്ട്ളചിറ ജലസേചന പദ്ധതിക്കു ശാപമോക്ഷം

പുഷ്പഗിരി കട്ട്ലചിറയ്ക്കു സമീപമുള്ള കൃഷിക്കാർക്കുവേണ്ടി പത്തുവർഷം മുമ്പു തന്നെ പമ്പു ഹൌസും മോട്ടോറും സ്ഥാപിച്ചു വൈദ്യുതി ബന്ധം ലഭിക്കാൻ മാത്രം കാത്തിരുന്ന  മേലൂർ ഗ്രാമ പഞ്ചായത്തു വക പുഷ്പഗിരി കട്ട്ളചിറ പമ്പു ഹൌസിനു 13.01.2012നു വൈദ്യുത കണക്ഷൻ ലഭിച്ചു. വൈദ്യുത കണക്ഷൻ ലഭിച്ചപ്പോൾ പക്ഷേ മോട്ടോർ പ്രവർത്തിപ്പിക്കാനുമായില്ല.

അറ്റകുറ്റപ്പണികൾ നടത്തി പമ്പു പ്രവർത്തനയോഗ്യമാക്കിയ ശേഷം ഉപഭോക്താക്കളുമായി ഒരു കരാർ വച്ചതിനു ശേഷം മാത്രമേ ജലസേചന പദ്ധതി നടപ്പിലാക്കാൻ കഴിയൂ എന്നത്രേ പഞ്ചായത്ത് അധികാരികളുടെ നിലപാട്. നീണ്ട പത്തു വർഷക്കാലം കാത്തിരുന്നതു കൊണ്ടായിരിക്കണം ഉടനെയൊന്നും  ജലസേചന പദ്ധതിയിലൂടെ പഞ്ചായത്തു വയലുകളിൽ വെള്ളമെത്തിക്കും എന്ന പ്രതീക്ഷ കൃഷിക്കാർക്കും ഇല്ല. വെള്ളം വയലിൽ വരുമ്പോൾ പറയാം അഭിപ്രായം എന്നാണവരുടെ നിലപാട്.

ചിത്രം. ഡോ: ബാബു എം.എൻ.

ഇന്നത്തെ ചിത്രം

മേലൂർ പുഷ്പഗിരി അടിച്ചിലി റോഡു പണി തുടങ്ങിയപ്പോൾ തന്നെ ജനങ്ങളുടെ ആശങ്കകളും ആരംഭിച്ചു. മതിയായ സാങ്കേതിക സൌകര്യമോ എഞ്ചിനീയർമാരുടെ സാന്നിദ്ധ്യമോ ഇല്ലാതെ നടത്തുന്ന ഈ പണി കഴിഞ്ഞ് റോഡ് എത്രനാൾ നിലനിൽക്കും? ജനം വരാനിരിക്കുന്ന കുഴികളിൽ വാഴ നടാൻ തയ്യാറായി കഴിഞ്ഞു. ഏതു കൊടിക്കു കീഴിൽ എന്നേ സംശയമുള്ളൂ.

ഇന്നത്തെ ചിത്രം

കേരളത്തിലെ നിർമ്മാണമേഖലയിലേക്കു ഒറീസ്സാ തൊഴിലാളികളുടെ തള്ളിക്കയറ്റമാണിപ്പോൾ. മലയാളികൾ ഗൾഫിൽ പോകുന്നതുപോലെ വടക്കു കിഴക്കൻ ഇന്ത്യയിൽ നിന്നും മനുഷ്യ വിഭവശേഷിയുടെ തള്ളിക്കയറ്റമാണ് കേരളത്തിലേക്ക്.  മേലൂർ പള്ളിനട ജംഗ്ഷനിലെ ഒരു ദൃശ്യം.

ഫോട്ടോ പീലി മനോജ്

ഇന്നത്തെ ചിത്രം

ആമ്പല്ലൂരിലെ ടോൾ പിരിവ് തൽക്കാലം നിറുത്തി വച്ചു.

ജനകീയ സമരത്തെ തുടർന്ന് ദേശീയ പാതയിലെ ആമ്പല്ലൂർ ടോൾ ഗേറ്റിലെ ടോൾ പിരിവു നിറുത്തി വച്ചു. കേന്ദ്ര സർക്കാർ അംഗീകരിച്ച കൊള്ള നിരക്കിലുള്ള ടോളിൽ 40% ഇളവു വരുത്തുന്ന കാര്യം പരിഗണിക്കുന്നതാണെന്നു ബന്ധപ്പെട്ട കേന്ദ്രമന്ത്രി പ്രസ്താവനയിറക്കി. പക്ഷേ റോഡു പണി മുഴുവനാകും മുമ്പേ ടോൾ പിരിക്കുന്നതിനു അനുമതി കൊടുത്തവരുടെ നടപടിക്കെതിരെ ആരും പ്രതിക്ഷേധിച്ചു കണ്ടില്ല. ഇപ്പോളും മുരിങ്ങൂരിലെ സർവീസ് റോഡു പണി എങ്ങുമെത്തിയിട്ടില്ല. ഈ ചെറു കുളം കണ്ടാൽ ടോളിന്റെ സാമ്പത്തിക വശം പിടികിട്ടും. അവിടെ നിസ്സഹാ‍യനായി ചിരിച്ചു നിൽക്കുന്ന കൊച്ചുകുട്ടി ഒരു ശരാശരി മലയാളിയുടെ പ്രതീകമാണ്.അവനാണ് ഇന്നത്തെ ചിത്രത്തിനു പീലി മനോജിനു പോസു ചെയ്തത്.