മേലൂർ പഞ്ചായത്തിൽ മാലിന്യം കൊണ്ടു തട്ടുന്നതിനെതിരെ ആരു നടപടി എടുക്കും?

മേലൂർ പഞ്ചായത്തിനകത്തും പുറത്തും നിന്നും വൻ തോതിൽ മാലിന്യം കൊണ്ടു വന്നു പഞ്ചായത്തിലെ പല സ്ഥലങ്ങളിലും തട്ടുന്നത് പതിവായിരിയ്ക്കുന്നു. മറ്റു സ്ഥലങ്ങളിൽ ഒരിയ്ക്കലും തട്ടുവാൻ അനുവദിയ്ക്കാത്ത വൻ പ്ലാസ്റ്റിക് മാലിന്യങ്ങൾ മുരിങ്ങൂരിലും പരിസരങ്ങളിലും തട്ടുക പതിവായിരിയ്ക്കുന്നു. കാഞ്ഞിരപ്പിള്ളി പേപ്പർ മില്ലിലെ മാലിന്യം വെട്ടുകടവിലും മറ്റും നൂറു കണക്കിനു ടൺ കൊണ്ടു വന്നു തട്ടിയതിനെ കുറിച്ച് മേലൂർ ന്യൂസിൽ മുമ്പു രണ്ടു തവണ  റിപ്പോർട്ട് ചെയ്തിരുന്നു. (ഒന്നാമത്തെ ലിങ്കിനുക്ലിക്ക് ചെയ്യുക) (രണ്ടാമത്തെ ലിങ്കിനുക്ലിക്ക് ചെയ്യുക) ബന്ധപ്പെട്ട അധികാരികളിൽ നിന്നും പക്ഷേ ശക്തമായ നടപടികൾ ഒന്നും ഉണ്ടായതായി ഇപ്പോളും അറിയുന്നില്ല. മാലിന്യം ഇപ്പോളും അങ്ങനെ തന്നെ കിടക്കുകയാണ്. മുരിങ്ങൂരിൽ പോൾസൻ ഡിസ്റ്റില്ലറിയിൽ നിന്നും ഏറെ അകലെയല്ലാതെ ഇപ്പോൾ കൊണ്ടു തട്ടിയിരിയ്ക്കുന്ന പ്ലാസ്റ്റിക് മാലിന്യ മലയിലേയ്ക്ക് വായനക്കാരുടെ ശ്രദ്ധ ക്ഷണിയ്ക്കുന്നു. പഞ്ചായത്ത് സെക്രട്ടറി ഇക്കാര്യത്തിൽ വല്ല നടപടിയും എടുക്കുമോ എന്നും നമുക്കു നിരീക്ഷിയ്ക്കാം. 

 (വീഡിയോയ്ക്ക് ഇവിടെ ക്ലിക്ക് ചെയ്യുക)

എഡിറ്റർ