തെങ്ങു കന്നികായ്ക്കുന്ന കാലമത്രേ വിഷു. കാലം മാറിയതിനാൽ നമ്മുടെ തെങ്ങുകളും നേരത്തേ കന്നികായ്ക്കാൻ തുടങ്ങി.
കന്നി കായ്ക്കുന്ന തെങ്ങ്
ഇടമഴകൾ ഇല്ലാതെ കടുത്ത വേനലിൽ കൂടി കടന്നു പോയ നമ്മുടെ സസ്യജാലം എന്തോ വിഷു വരുന്നതിനു മുമ്പേ തന്നെ സ്വയം കരിഞ്ഞു പോയാലോ എന്നു കരുതിയാകണം അവരുടെ ജീവിതത്തിന്റെ വിഷുക്കാലം നേരത്തേ തുടങ്ങി. അതു കണ്ടാണെന്നു തോന്നുന്നു ഒന്നു രണ്ടു ഇടമഴകൾ അങ്ങിങ്ങ് ഇപ്പോൾ പെയ്തിട്ടുണ്ട്.
ഇടമഴക്കാറ്
കാട്ടു പൂക്കളും പഴങ്ങളും അവരുടെ ഉത്സവം ആദ്യം തന്നെ അങ്ങു തുടങ്ങി. വഴി നീളെ ഇട്ടാമിക്കയും കാരയും മറ്റുമൊക്കെ വർണ്ണജാലം തീർത്തു.
കാട്ടു പഴങ്ങളുടെ വർണ്ണജാലം
പാടങ്ങളിൽ വിഷുവിനു കായ്ക്കാൻ വിധം നട്ട കണി വെള്ളരിയൊക്കെ നേരത്തേ തന്നെ കായ്ക്കാൻ തുടങ്ങി.
കണി വെള്ളരി
കണിക്കൊന്നകൾ ഇലപൊഴിച്ച് പൂചൂടി
കണിക്കൊന്ന
മന്ദാരപ്പൂക്കളിൽ തേനീച്ചകൾ മൂളിപ്പറന്നു
മന്ദാരപ്പൂ
മുരിക്കും മുരിങ്ങയും പൂത്തു കായ്ച്ചു.
മുരിക്ക്
മുരിങ്ങ
സൌഭാഗ്യവും കൊണ്ട് പച്ചപ്പശുക്കൾ നാടെങ്ങും ഇറങ്ങി വന്നു
പച്ചപ്പശു
പ്ലാവും പുളിയും കായിട്ടതു പാകമായിത്തുടങ്ങി.
പ്ലാവ്
പുളി
പൂച്ചെടികൾ ധാരാളമായി തനി നിറം കാട്ടാൻ തുടങ്ങി
പൂക്കാലം
ശലഭങ്ങൾ പാറിപ്പറക്കുന്നു
ശലഭം
ഭ്രമരങ്ങൾ പൂക്കളിൽ നിന്നു മാറുന്നേയില്ല
ഭ്രമരം
കണിക്കൊന്ന പൂക്കുന്നതു കണ്ട് ശീമക്കൊന്നയും പൂക്കാൻ തുടങ്ങി
ശീമക്കൊന്ന
അങ്ങനെ വിഷുക്കാലം അല്പം നേരത്തേ എത്തി. വിഷുക്കിളികൾ പക്ഷേ ഓരോന്നൊക്കെയേ പറന്നെത്തിയിട്ടുള്ളൂ. അവരും വൈകാതെ വിത്തും കൈക്കോട്ടും ഒക്കെ തെക്കോട്ട് എന്നു പാടുമായിരിക്കാം. പക്ഷേ പുഞ്ച കൊയ്യേണ്ട നമ്മുടെ വയലുകളോ?
കള കയറിയ വയൽ
No comments:
Post a Comment