1800 മീറ്റർ നീളമുള്ള കുഞ്ഞമ്പലം – കരിങ്ങാമ്പിള്ളി – പിണ്ടാണി റോഡ് വീതി വപ്പിച്ച് ജനം വില്ലേജിനു രേഖകൾ കൈമാറിയത് 1986ൽ ആണെന്നു തോന്നുന്നു. അതിനു ശേഷം 1996ലാണു ആ റോഡ് ടാറു ചെയ്യാൻ ഇടവന്നത്. പരേതനായ എൻ.ജി.ഓ. നേതാവ് സത്യാനന്ദന്റെ മരണവും ആ തീരുമാനത്തിനു ഒരു നിമിത്തമായിരുന്നിരിയ്ക്കാം. അതേ തുടർന്ന് റോഡിന്റെ ഒരു വശത്ത് പി.എസ്. സത്യാനന്ദൻ റോഡ് എന്ന ഒരു ഫലകവും സ്ഥാപിയ്ക്കപ്പെട്ടു. 1996ൽ റോഡു പണി പൂർത്തീകരിച്ച ശേഷം 2011ൽ മാത്രമാണു പഞ്ചായത്ത് ഈ റോഡിൽ എന്തെങ്കിലും പണി ഏറ്റെടുത്തു നടത്തുന്നത്. പിണ്ടാണിയിൽ നിന്നുള്ള 400 മീറ്ററോളം റോഡ് അന്നു വീണ്ടും ടാർ ചെയ്തു. ഏകദേശം അത്ര തന്നെ ദൂരം സ്ഥലമാണു ഇപ്പോൾ അമ്പലത്തിന്റെ ഭാഗത്തു നിന്നും ടാർ ചെയ്യുന്നത്. അങ്ങനെ നോക്കുമ്പോൾ ഏതാണ്ട് റോഡിന്റെ ഉൾ വശത്തായി ഒരു കിലോ മീറ്ററോളം റോഡ് 16 വർഷത്തിനു ശേഷവും സകലരാലും ഉപേക്ഷിയ്ക്കപ്പെട്ടു കിടക്കുകയാണ്.
ഉപേക്ഷിയ്ക്കപ്പെട്ട റോഡിന്റെ സ്ഥിതി
പുതുതായി ടാർ ചെയ്യുന്നിടം
ഇപ്പോൾ ടാറിംഗ് നടക്കുന്ന ഭാഗത്ത് പണിയ്ക്കു കൊണ്ടു വന്ന പ്ലാന്റ് ഇതിനിടെ പ്രവർത്തന രഹിതമായിരുന്നു.
പ്രവർത്തന രഹിതമായ പ്ലാന്റ്
റോഡിൽ വിരിച്ച ബിറ്റുമിൻ പുരണ്ട മെറ്റലുകളിൽ ആവശ്യത്തിനു ബിറ്റുമിൻ ഇല്ലാത്തതിനാലും ശരിയായി റോഡ് റോളർ ഓടാത്തതിനാലും ഇളകി കിടക്കുകയാണ്.
ബിറ്റുമിൻ ഇല്ലാതെ ഇളകി കിടക്കുന്ന മെറ്റൽ
ശരിയായി റോഡ് റോളർ ഓടാത്തതിനാലും ഇളകി കിടക്കുന്ന മെറ്റൽ
വന്നിരിയ്ക്കുന്ന റോഡ് റോളർ മിക്കവാരും സമയം ഊടു വച്ചു നിറുത്തി ഇട്ടിയ്ക്കുകയാണ്.
റോഡ് റോളർ
പണി ശരിയായും നന്നായും നടത്തുന്നതിനു ബന്ധപ്പെട്ട ഉദ്യോഗസ്ഥരും ജനവും ജാഗ്രത പുലർത്തേണ്ടതുണ്ട്.
No comments:
Post a Comment