വൃക്ക മാറ്റിവയ്ക്കൽ ശസ്ത്രക്രിയയ്ക്കു സഹായം തേടുന്നു

മുപ്പത്തഞ്ചുകാരനായ പുതുക്കാട് കല്ലൂർ പാലക്കപ്പറമ്പ് പട്ളാൻ വീട്ടിൽ ദിനേഷ് ഇരു വൃക്കകളും പ്രവർത്തനരഹിതമായി വൃക്കമാറ്റിവയ്ക്കൽ ശസ്ത്രക്രിയയ്ക്കൊരുങ്ങുന്നു. തന്റെ അമ്മയുടെ വൃക്കയാണ് ദിനേഷിനു മാറ്റിവയ്ക്കാൻ ഉദ്ദേശിക്കുന്നത്. തൃക്കൂർ ഗ്രാമപഞ്ചായത്ത് പ്രസിഡന്റ് ഷൈനി ആന്റോ പനോക്കാരന്റേയും ദിനേഷിന്റെ ഭാര്യ സൌമ്യയുടേയും പേരിൽ കോർപ്പറേഷൻ ബാങ്കിന്റെ കല്ലൂർ ബ്രാഞ്ചിൽ എസ്.ബി./01/011780 നമ്പറിൽ തുടങ്ങിയിട്ടുള്ള അക്കൌണ്ടിലേക്ക് ദിനേഷിന്റെ കുടുംബാംഗങ്ങൾ ധനസഹായം അഭ്യർത്ഥിക്കുന്നു.

ആറുമാസം പ്രായമുള്ള കുഞ്ഞിന്റെ ഹൃദയശസ്ത്രക്രിയയ്ക്ക് സഹായം തേടുന്നു

ആറ്മാസം മാത്രം പ്രായമുള്ള ആണ്‍കുട്ടിക്ക് ഹൃദയശസ്ത്രക്രിയനടത്താന്‍ സാമ്പത്തിക പരാധീനതയുള്ള രക്ഷിതാക്കള്‍ സുമനസ്സുകളുടെ സഹായം തേടുന്നു. ചെന്നൈ റോയപുരം ആദം സാഹിബ് സ്ട്രീറ്റില്‍ താമസിക്കുന്ന അക്ബര്‍ ബാഷയുടെയും മെഹറിന്റെയും മകന്‍ മുഹമ്മദ് സൂദിനാണ് സ്വകാര്യ ആസ്പത്രിയിലെ ഡോക്ടര്‍മാര്‍ അടിയന്തര ശസ്ത്രക്രിയ നിര്‍ദേശിച്ചിരിക്കുന്നത്. ശസ്ത്രക്രിയ നടത്തുന്നതിന് 2.39 ലക്ഷം രൂപ ചെലവ് വേണ്ടിവരും. സാമ്പത്തികമായി ഏറെ പിന്നാക്കം നില്‍ക്കുന്ന അക്ബര്‍ ബാഷയ്ക്ക് ഇത്രയും തുക സ്വരൂപിക്കാനുള്ള ചുറ്റുപാടില്ല. അതിനാലാണ് മനുഷ്യ സ്‌നേഹികളില്‍ നിന്നും ഈ കുടംബം സാമ്പത്തിക സഹായം തേടുന്നത്. സഹായമെത്തിക്കാന്‍ ആഗ്രഹിക്കുന്നവര്‍ ഫ്രോണ്ടിയര്‍ ലൈഫ് ലൈന്‍ പ്രൈവറ്റ് ലിമിറ്റഡ് എന്ന പേരില്‍ മാറാവുന്ന ചെക്കോ ഡ്രാഫ്‌റ്റോ എടുത്ത് അതിന് പിറകില്‍ മുഹമ്മദ സൂദ് എന്ന പേര് രേഖപ്പെടുത്തി താഴെപ്പറയുന്ന വിലാസത്തില്‍അയയ്ക്കണം: എ. അക്ബര്‍ ബാഷ, നമ്പര്‍ 2/196, ആദം സാഹിബ് സ്ട്രീറ്റ്, റോയപുരം, ചെന്നൈ - 600013. ബന്ധപ്പെടേണ്ട നമ്പര്‍: 9884932044. (ഇത് 01.12.2011ലെ ഒരു മാതൃഭൂമി വാർത്തയുടെ പകർപ്പാണ്.)

കാരുണ്യം തേടുന്നു

അമൃതയുടെ ഓപ്പറേഷൻ വിജയകരം

ചികിത്സ തുടരുന്നു.

അടിച്ചിലിയിലെ പഴവിള പ്രദീപിന്റെ മകൾ രണ്ടു വയസ്സുകാരി അമൃതയുടെ ഹൃദയശസ്ത്രക്രിയ വിജയമായി. തിരുവനന്തപുരം ശ്രീചിത്ര മെഡിക്കൽ സെന്ററിലായിരുന്നു ശസ്ത്രക്രിയ. അമൃതയെ ഡിസ്ചാർജ്ജ് ചെയ്തിട്ടുണ്ട്. എങ്കിലും ചികിത്സ തുടരേണ്ടതുണ്ട്. സുമനസ്സുകളുടെ സഹകരണം കൊണ്ടാണു അമൃതയുടെ ഓപ്പറേഷനു വേണ്ട ധനം സമാഹരിക്കാനായത്. ഇക്കാര്യത്തിൽ സഹകരിച്ച എല്ലാവരുടെ കാരുണ്യത്തിനും സഹകരണത്തിനും പ്രദീപും കുടുംബവും നന്മ പുരുഷ സ്വയം സഹായ സംഘവും അകൈതവമായ നന്ദി അറിയിച്ചിട്ടുണ്ട്. തുടർന്നും അമൃതയുടെ ചികിത്സയ്ക്കായി സഹകരണം വേണ്ടി വന്നേക്കുമെന്നാണറിയുന്നത്.